تامر حسني مش هيعمل مسلسل
كل الأنسات اللي تحت العشرين واللي بيموتوا بتامر حسني ممكن دلوقتي يروحوا يعيطوا لأنه مش هيعمل مسلسل، وكل الرجالة اللي فوق العشرين واللي مش بيحبوا تامر حسني ممكن يرتاحوا ويتأكدوا من أن تمورة مش هيطلعلهم بالتلفزيون كمان برمضان الجاي.
تامر حسني، وبعد ما انتشرت أخبار إنه هيعمل مسلسل تلفزيوني لرمضان الجاي وإنه عايز ياخد 15 مليون جنيه مقابل دوره بالمسلسل (يا ترى مين اللي طلع الخبر ده ؟ أنا بقول تامر نفسه هو اللي طلعه بعد ما سمع عن موضوع مسلسل عمرو دياب)، المهم إن تامر أكده إنه مش فاضي (يا حرام) وبيجهز لفيلمه الجديد اللي هيفلقـ .. قصدي هيتحفنا بيه الصيف الجاي...
الحمد لله يا رب .. مفيش تامر بالتلفزيون المصري، مش ناقص أصله التلفزيون مع مسلسل يسرا ونور الشريف ويحيى الفخراني ..
على فكرة يا تمورة .. اللي عاملك تنضيف بشرة بالصورة دي كاسفك خالص ..
المشاركات
0 comments:
إرسال تعليق